我的朋友仔
我的朋友仔我係一個好需要朋友既人，朋友好好o架, 悶悶o地又可以搵佢o地傾o下計、
出o下街、玩o下, 好開心既! 以下都係我既好朋友，等我介紹o下佢o地啦！！
小學同學
Freda
佢係我小學最 friend 既同學, 我o地小二就識, 之後四年都係同一班, 雖然後尾派o左唔同既中學, 但都有周不時聯絡，由中一開始我o地就寫信聯絡，近幾年逢暑假就都會約出o黎聚o下舊．中五會考o個年，咁o岩大家都有六科係同一試場考，真係好 "橋"，不過總算捱過o左個會考．仲比我ｏ地撞到番以前既舊同學添！！但係我ｏ地都無膽上去叫佢！ 失敗！！雖然唔係成日聯絡，但一o的生疏既感覺都無，乜都可以傾一餐！
Grace
我小二識佢，但唔知點解，我小一已經認得佢，因為我 ....... 成日見到佢排隊傾計o羅！之後佢同Freda同一間中學，其實都唔知點解我會揀唔同學校既？真係唔係好似我！不過，好彩無因為咁而少ｏ左個朋友o即！佢好鍾意笑o架，笑親都收唔到聲． 讀書又叻，人又好，我最鍾意佢寫o既字, 好正!!
Joey
我同佢做同學只不過得四年, 因為佢五年級要仕搬屋轉校呀!! 但我o地而家仲有聯絡o架! 佢份人計仔多多, 又識扮野，佢好有演戲天份o架！！聽佢講都演過唔少劇，次次話叫我去睇，次次都無o左件事！:p我o地而家住埋同一區，周時都會見o下面，但係佢係大忙人，約親佢都唔得閒，次次撞期！
Michelle
雖然小二已經同班，但同佢一ｏ的都唔熟，可能因為小學既佢有o的離群，而且無成日鼓起包腮．中一ｏ個時，可能做 Girl Guides 同一 patrol 既關係，接觸多o左，對佢開始了解，之後仲做o左好朋友添！佢介紹我參加一個義工小組，係裡面我識o左唔少人，仲開始對義工服務產生興趣添！真係要多謝呢位好朋友呀！而家既佢 變o左好多, 為人諗得之餘，成個人開朗o左唔少, 我真係好"鄧"佢開心, 唔知係咪男友既魔力呢？
Blanch
又係小二識，我ｏ地小學一齊玩，但升ｏ左中學之後就無聯絡，直至中五ｏ既時候，係試場見番佢，（佢咪係我同 Freda 都唔敢叫ｏ個個同學仔o羅！）但又怕認錯人．．．．（藉口！）但後尾我同Freda就開始寫信同佢聯絡番！最攪笑係我寄信o個日，咁o岩放學ｏ個時見到佢，我o地宦都不以為意，可能無見五年啦！擦身而過後，大家又行返轉頭打招呼傾計，真係奇怪！啦佢係大眼女一名，小學o個時係人都知啦！佢份人好爽、好玩得架！
中學同學Anna
佢係我o既 Best Friend......我識佢係因為我o地F.3一齊係太子地鐵站買聖誕咭, 到F.4o個時我o地又同一班, 我記得佢係o個年聖誕節送o左張咭比我, 佢話我好靜好靜.......... 我即時寫番張咭比你: "希望未至於自閉啦!" 佢成日笑， 乜都可以笑到死! 引佢笑真係話咁易呀!! 佢o既招牌笑容殺死個唔少男仔o架!! 佢份人好樂觀, 好快會唔記得唔開心o既野! 我同佢乜都傾得, 我同佢咁 friend 都係因為佢唔識嬲人麻咋! 你見過有人一路話嬲你, 一路依住排牙笑住咪呀??
Maggie
我ｏ地 F. 2識，但係 F. 4 先熟，佢跳舞了得, 亦曾為香港體操隊, 犀利ｏ掛？？ｆ．５ ｏ個年我地一齊去英國讀短期課程，佢仲係我既 ｒｏｏｍａｔｅ添！ｏ個時我ｏ地好慘，食又無啖好食，每日早、午餐都係麵包，夜晚又食唔飽，攪到連我唔鍾意食內肉既人，去親肯德基都好開心．佢係ｏ個度仲有三次艷遇添！你仲記唔記得呀？（美少男、禿頭中年男人同空中少爺呀！）佢笑得犀利o既時候成塊面會紅晒，好攪笑o架！
Amy
中二識佢，之後一齊住同一屋苑，佢住隔離座咋！所以成日都一齊放學．唔同得佢講笑ｏ架，因為佢一笑親就收唔到聲，笑o個時 "kiki"聲， 係將來o既白衣天使o黎o架！
Michelle
我o地細細個就一齊住樂華村, 仲住埋同一座, 朝見口晚見面, 但因為幼稚園唔同班就無打過招呼, 上到中學, 我o地一齊係 SＴ. PAUL度讀, 又係因為未同過班而未傾過計, 點知..........到F.6 我同佢又同一間中學, 就係咁, 我o地虛耗了十四年o既青春先有機會講第一句話, 真係好艱難呀!! 而家已經成為o左好朋友添! 我初初以為佢好惡, 但原來佢都好細心好溫柔o架!!!尤其升左大學之後, 佢"賢淑"o左唔少添! 哈哈!! 你咁"賢淑"，仲成日比o的同學話你蝦我，真係唔好意思o勒！我都有同你澄清 .......可惜無人信丫！嘻嘻！仲有唔好再講"un" , 好痺呀!!!
Patsy
佢係我中六新識o既同學仔, 佢亦係我o既仔仔．佢好怕改變既，對自己某方面無乜信心，但我知你得架喎！
Angel
中六既迎新日已經對佢好有印象，開學ｏ個日佢仲好主動咁同我ｏ地傾計，之後我ｏ地就玩埋一齊勒！佢思想比我o地成熟o的, 好似大姐姐咁!
BoBo
中六同學，開學第一日見到佢，已經知道佢係非等閒之輩，佢同另外一個原校生坐埋一齊，又唔出聲，簡直殺氣逼人！！後尾識落，又覺得佢同我諗既都有幾大出入，佢份人都幾ｎｉｃｅ呀！雖然成日蝦我！>.< 佢好鍾意貓
o架!!
佢個樣都有少少似貓, 份人愛恨分明, 做野好決斷.空手道好勁o架!
成日拎冠軍架！所以我唔敢得罪佢o架!!
阿敏
又係高人一名, 學緊空手道．但佢 ........ 就比 BoBo 溫柔得多啦！ 我同佢既相識都幾特別架！又係係試場，中五ｏ個年，我o地咁o岩修既科一樣，而佢次次都係坐係我前面，日日咁見，唔識都認得啦！之後升上中六，我咁o岩又同佢一間學校，真係巧合！
大專同學Soina
佢好可愛o架!! 見親佢都會笑得好開心! 佢為人好豪, 好有大姐風範, 有時仲口出驚人, 最鍾意飲苤芽珍珠奶茶同水. 強項就係打咀同打面.
Karry
好貪靚o既一個女仔, 基本上同實際上都唔差o架！！佢強項都唔少架 ........ 好似 ........ 唔講啦！仲次之講得出做得到，完全有老大風範！
Clara
百份百麥記迷, 對麥記食物簡直瘋狂. 佢做野好急但好快手, 亦係模範義工, 愛心爆棚. 佢而且神機妙算, 有神算子之稱號. 仲有一句名句: "爛命一條".
周凱
完美主義者, 才女一名, 琴棋書晝, 甚至運動樣樣皆精. 佢仲係我o地考試全科精讀班o既榮譽教師, 我o地有今日成績, 佢功勞唔少o架!! 勁鍾意食台灣野同 Tea！
阿樂
佢最多鬼主意, 佢作o野了得 (作大, 作狀........) 其實係作劇, 上次英文 drama 拎到 全班最高分都係因為佢咋!! 佢打乒乓球同棒球好掂o架!
義工小組
(北斗 )Rebcca:
佢係我最鍾意o既 leader, 北斗係佢攪o架! 我o地初初得十個人參加, 後尾最多有成廿幾人呀!!! 人材濟濟, 但個組係第二個 leader 接手 ( Rebcca 去外國流浪一個月)之後無耐就散o左啦! 好可惜!! 佢對我o地個個都好好o架! 我o地個個當然亦好錫佢啦!! 佢係我o地擁戴o既媽媽麻!!!
蜜蜂,嘉嘉,文慧,芷恩,Jobe,超人, Stephen, 家儀, 阿輝, 阿輝, 周珠, 綺蓮, 凱欣, 椰菜花, 淑嫻, 野浚, 阿駒, 天琪, 餵蚊.........
Home