回憶錄
回憶錄
我係一個鍾意回憶o既人，無論係開心定係傷心我都會諗一大餐．但係好好彩.......唔開心o既事都會好快忘記，所以以下的回憶多數都係開心o既．
小時候細個o既時候, 我係一個名符其實o既百厭仔, 咁大個女都係剪男仔頭, 一年級先開始剪冬茹頭, 似番o的個女仔, 真係又粗魯又奀皮...............
復仇記
呢個係我o的 friend聽得最歎為觀止o既事，佢o地話估唔到我係咁殘暴，哈哈, 比我個樣呃o左啦!!話說我妹妹係我５、６歲o既時候,，有一次係我訓o左係梳化睇電視o既時候， 佢成隻腳踩落我塊面度， 之後........... 我前面o既門牙就咁比佢踩甩o左，變o左個未適齡o既無牙婆， 之後有一次佢又咁o岩訓左係梳化， 呢一個情境令我諗起當日o既事，於是，我就以同一手法踩落佢個口度， 結果.........成功整甩o左佢隻門牙! 係咪要對我重新估計呢?
百厭星
我細就成個男仔頭， 好鬼百厭， 以前張碌架床床頭有個大窿，我好鍾意係o個度"捐"來"捐"去，有一次就係咁而陷穿ｏ左個頭，我當時又唔知痛，又唔識咸，乖乖地訓番係張床度，後尾我媽咪覺得唔妥，走過o黎摸一摸我，佢當堂嚇死，因為我成頭都係血, 結果我額頭度就遺留o左一條疤痕．
比賽
細個時侯成日都有個鬼主意， 就係要同媽咪鬥手快．因為我同妹妹相差一年， 於是媽媽特意為我o地兩個囡囡預備了一個大大的痰罐， 我經常都會飲好多水， 以求將這大大的痰罐裝滿瀉， 可是手快的媽媽每每係我成功之際就倒了我辛苦經營的事業, 枉費o左一番心血！！
凶手
我自小就係一個凶手，驚未？？ 記得３、４歲o個時，我同妹妹係張轉得o既大班椅度玩”xx轉”(唔係粗口.....唔識寫咋 )，點知一個唔留神，佢由張椅跌o左落o黎，陷落牆角，頭破血流，我好驚呀！我o地即刻送佢入醫院，縫o左四、五針，因為咁仲令到佢左耳差o的聽唔到野，真係好對唔住呀！！
四眼妹
細個見妹妹戴眼鏡咁好玩，為求要戴眼鏡，不惜整到對眼有近視為止，於是成日對住個電視睇，有咁近得咁近睇, 而家終於有近視，真係後悔都o黎唔切，深度仲逐年遞增添，唉！
小學時 
校歌呀, 記得嗎?
天主教小學， 聖教會木椿， 足立牛頭角，功成瑪利諾， 校風既純樸,，成績又卓樂， 少年的我們，喜愛讀書樂，晝夜勤鑽研，努力求振作，他年學有成，為家也為國．
小玩意
小學地方細，無乜o野玩，一，二年級就最鍾意玩跳飛機，一放小息就會去霸位，因為好多人霸o架! 之後三，四年級之後就鐘意跳 over 同猜皇帝 ，我o個班有成廿四個女仔，但我o地個個都好玩得o埋架，真係好開心!
丁老師
我諗丁生係最多同學仔記得o既一個老師，佢日日都戴住薑花o架! 佢係四年級o既班主任，成日叫我o地抄作業， 一上堂個個就會不停咁抄， 我諗最經典莫過於就係佢舊石，上上下堂佢就會失驚無神用舊石拍檯，真係心都離埋，有一次仲打爛o左舊石．記得之後佢又買過舊新o既，真係”鄧”之後o既同學仔慘．
女校
我校的風氣真是很奇怪， 雖然我上了六年男女校， 可是當中有三年都是女校生活， 男女同學總不會一齊玩，每日返學校上到課室，班男同學都會上現楚河漢界， 將張檯由雙行拉到單行，連排隊都闊過人，這大慨是６Ａ班的特色．
偷影
唔知係咪男女同學少溝通，通常最大的溝通機會就係去旅行，去親旅行就會互相偷影，有時甚至四面交鋒， 都唔知o徙o左幾多菲林．
Home